Цената на бензините се зголемува од половина до еден денар за литар, а дизел горивата од ноќеска на полноќ поскапуваат за еден денар, одлучи денеска Регулаторната комисија за енергетика (РКЕ).
Малопродажната цена на бензинот „еуросупер БС-98“ се зголемува за половина денар и ќе изнесува 69,5 денари за литар. Останатите горива поскапуваат за еден денар за литар така што новата цена на бензинот „еуросупер БС-95“ ќе изнесува 67,5, на дизелот 62,5, а на екстра-лесното масло за домаќинство 52,5 денари за литар.
Со одлуката се врши зголемување на малопродажните цени на нафтените деривати во просек за 1,48 отсто.
