Повеќе од 2.000 граѓани од полошкиот регион му дадоа поддршка на граѓанскиот протест, кој попладнево ќе се одржи во Скопје. Голем дел од нив беа припадници на албанската етничка заедница. Околу триесетина автобуси од две приватни фирми тргнаа кон Скопје, а останатите учесници на протестот заминаа со автомобили и со комбиња.
Превозниците велат дека немале притисоци да ги откажат линиите закажани за денеска. Нивни автобуси биле ангажирани денеска да превезуваат лица од Кичево, кои сакале да учествуваат на граѓанскиот протест.