Германските власти соопштија дека се сомневаат во тврдењата на Русија дека во воздушните напади во Сирија ги бомбардира позициите на Исламска држава.
Русија во средата почна воздушни напади во Сирија против, како што тврди, Исламска држава во таа земја, додека Западот ја обвинува Москва дека поголемиот дел од нападите се наменети за противниците на режиот на сирискиот претседател Башар ал-Асад.
Со оглед на тоа дека и западните земји спровдуваат воздушна кампања во Сирија, протпаролот на германското министерство за надворешни работи, Мартин Шефер, изјави дека клучно е воените лица на сите земји што учествуваат во воздушните напади да имаат добра комуникација за да се спречат недоразбирања што би можеле да доведат до ескалација на конфликтот.
Шефер нагласи дека Берлин не гледа никакво воено решение за сирискиот конфликт.
Шефот на германската дипломатија, Франк Валтер Штајнмаер, неодамна се сретна со своите колеги од Турција, Саудиска Арабија и од Иран во намерата да пронајдат политичко решение на кризата.