fbpx

Герасимовски во хрватско Крижевци: И Општина Центар ќе се стреми да биде енергетски независна и самоодржлива

Градоначалникот на Општина Центар Горан Герасимовски кој е во работна посета во Загреб како гостин и учесник на семинарот „Енергетска транзиција на Хрватска и земјите од регионот“, ја посетил Општина Крижевци, која е пример за искористување на сончевата енергија преку фотоволтаични панели

-

Градоначалникот на Општина Центар Горан Герасимовски кој е во работна посета во Загреб како гостин и учесник на семинарот „Енергетска транзиција на Хрватска и земјите од регионот“, ја посетил Општина Крижевци, која е пример за искористување на сончевата енергија преку фотоволтаични панели.

„Општина Крижевци е примерот кон кој се стреми и Општина Центар, а тоа е енергетски независна и самоодржлива општина. Оваа посета која не е прва за мене, впрочем Општина Крижевци е зародишот на идејата за формирање на „Енергија Центар“ е навистина значајна. Посетата на развојниот центар и технолошкиот парк и посета на климатската канцеларија во Крижевци и задругата Клик се искуство кое треба да се научи и примени. Со пресликувањето на „Крижевскиот модел“ Општина Центар би добила значајна заштеда и повраток на инвестираните средства за неколку години“, рече Герасимовски.

Фото: Општина Центар

При посетата на Загреб градоначалникот Герасимовски се сретнал и со Бранко Анчич претставникот на Општина Загреб, со кого разговараа за потребата на енергетската транзиција.

Тридневната посетата во Хрватска била организирана од фондацијата „Фридрих Еберт“. Претставници од Општина Центар присуствувале со уште неколку колеги од балканските земји со кои размениле искуства и дијалози на меѓународно ниво во областа на енергетиката и искористувањето на обновливите извори на енергија.

 

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...