fbpx

Фон дер Лајен во посета на Киев, ќе се разговара за пристапниот пат на Украина во ЕУ

Тука сум да разговарам за пристапниот пат на Украина во ЕУ, рече таа објавувајќи фотографија со украинскиот претседател Володимир Зеленски

-

Претседателката на Европската комисија Урсула фон дер Лајен денеска пристигна во Киев за да разговара за проширувањето на Европската унија (ЕУ) со украинскиот претседател Володимир Зеленски, објави таа на платформата „X“, поранешен Твитер.

„Тука сум да разговарам за пристапниот пат на Украина во ЕУ“, рече таа додавајќи дека ќе разговараат и за финансиската поддршка на ЕУ за обнова на Украина.

На конференцијата за проширување на Европската Унија пред неколку дена учествуваа голем број европски министри за надворешни работи и министри за европски прашања.

Проширувањето на ЕУ, рече германската министерка Аналена Бербок, е геополитичка неопходност, а Украина треба да биде членка на „нашата Европска Унија“, рече таа обраќајќи му се на украинскиот министер за надворешни работи Дмитро Кулеба.

„Убедена сум дека Европскиот совет ќе го даде тој сигнал во декември“, додаде Бербок.

Европската комисија на 8 ноември треба да ги претстави извештаите за реформите на Украина и Молдавија, кои се кандидати за членство. Врз основа на извештајот, шефовите на држави и влади на Унијата во декември ќе одлучат дали може да започнат преговорите за членство со двете земји, како и дали Грузија треба да добие кандидатски статус.

Бербок: Проширување на ЕУ е неопходно, Путин сè уште се обидува да создаде поделби

Минатата недела претседателката на Европската комисија Урсула фон дер Лајен отпатува за Западен Балкан, а ја посети и земјава, пред годишниот извештај на Европската комисија за проширувањето на ЕУ. Целта на Балканската турнеја беше да се координираат напорите и да се поддржат реформите потребни за приближување на земјите кандидати до членство во ЕУ.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Полицаец од Крушево исфрлил во ѓубре доверливи документи

Полициски службеник од Крушево исфрлил во ѓубре службени материјали сместени во картонски кутии, а меѓу кои имало и документи со одреден степен на класификација, соопшти Министерството за внатрешни работи...