Европската Унија денеска го продолжи времетраењето на санкциите за Русија до 31 јануари 2017 година, откако утврди дека спогодбите од Минск, кои требаше да бидат имплементирани до 31 декември 2015 година, не се целосно спроведени.
Европската комисија денеска соопшти дека Советот на ЕУ денеска ја продолжи важноста на економските санкции против определени сектори на руската економија. Санкциите беа воведени на 31 јули 2014 години, поради анексијата на Крим и поддршката на сепаратистичките проруски сили на истокот на Украина.
Санкциите првично беа воведени на една година, а потоа се продолжуваа на секои шест месеци. Нивното укинување истовремено се условува со целосно спроведување на спогодбите од Минск.
