fbpx

ЕУ отвора уште две поглавја во преговорите со Србија

-

Постојаните претставници на земјите членки на ЕУ на денешниот состанок донеле одлука на меѓувладината конференција со Србија да ги отворат поглавјето 6, кое се однесува на правата на претпријатијата, и поглавјето 30 за економските односи со странство.

Конференцијата е закажана за 11 декември, а официјален Белград се надеваше дека ќе отвори три поглавја, но одлуката на земјите членки зависеше од извештајот на Европската комисија за напредокот на Србија во најважните поглавја, 23 и 24.

Според извори од Брисел, Европската комисија оценила дека постои недоволен напредок во имплементацијата на Акциониот план за поглавјата 23 и 24, поради што земјите членки оцениле дека Србија не може да отвори повеќе од две поглавја во оваа рунда преговори.

Од Брисел се препорачува конкретен напредок во поглавјата 23 и 24, кои се однесуваат на владеењето на правото, кои се од суштинска важност за Србија да напредува во претпристапните преговори со Европската Унија. Паралелно со тоа, за да напредува во пристапниот процес, Србија мора да напредува и во дијалогот со Косово, кој треба да придонесе за целосна нормализација на односите меѓу Белград и Приштина.

Србија официјално ги почна преговорите за влез во ЕУ во јануари 2014 година.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Бислимоски: Изненадување е и за мене дека ЕСМ ќе ја продава струјата за 60 евра за мегават час

Претседателот на Регулаторната комисија за енергетика (РКЕ) Марко Бислимоски изјави дека за него е „изненадување“ дека Електрани на Северна Македонија (ЕСМ), почнувајќи од 1 јули, ќе ја продава струјата...