fbpx

ЕУ очекува „брзо формирање на широка владина коалиција“ и поддршка за СЈО

-

Брисел очекува брзо формирање на нова широка владина коалиција и целосно овозможување на сите услови за работа на СЈО, вели за „Мета“ портпаролката на Европската комисија, Маја Коцијанчич, по изјавата на лидерот на ВМРО-ДПМНЕ, Никола Груевски, дека нема да се согласи на продолжување на мандатот на СЈО.

– Европската Унија се надева на брзо формирање на нова широка владина коалиција и ја очекува нејзината програма. Континуираната примена на сите делови од Договорот од Пржино и реформските приоритети се клучни во овој поглед. Специјалното јавно обвинителство е составен дел од Договорот од Пржино и мора да му се овозможат услови и да му се даде времето што му е потребно да ја заврши својата важна работа – вели Коцијанчич за „Мета“.

На прашањето што конкретно се мисли со терминот „широка владина коалиција“ (a new “broad-based” government) и кои сè партии би ја сочинувале, од Европската комсија не одговорија директно.

– Нема да шпекулираме со составот на новата влада. Ние очекуваме брзо формирање на нова влада со широка политичка поддршка, која ќе овозможи имплементирање на сите делови од Договорот од Пржино и на реформските приоритети – рече Коцијанчич.

Никола Груевски денеска од претседателот Ѓорге Иванов го доби мандатот за формирање влада.

Груевски во денешното интервју за дневниот весник „Дневник“ рече дека ВМРО-ДПМНЕ нема да се согласи на продолжување на рокот на СЈО и дека со пролонгирање на роковите за СЈО, со сигурност ќе се пролонгира кризата.

– Нема правни или суштински потреби за продолжување на тие 18 месеци на СЈО, туку има политички потреби на надворешни фактори заради остварување некои други нивни цели и интереси. Идејата за пролонгирање на 18-те месеци не потекнува од СЈО. Тоа го знам, не го претпоставувам. Од овие причини ние донесовме одлука дека ВМРО-ДПМНЕ нема да се согласи на продолжување на рокот на СЈО и тоа неколкупати го објавивме. Ниту, пак, оние две други барања поврзани со Законот за заштитните сведоци и со судско одделение за предметите на СЈО – рече Груевски.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Уставниот суд поведе постапка за уставноста на измените на Законот за облигациони односи

Уставниот суд денеска одлучи да поведе постапка за член 2 и член 4 од Законот за изменување и дополнување на Законот за облигационите односи. Изгласано е времено запирање од...