Турција одамна го заслужи Шенгенскиот договор, оцени турскиот претседател, Реџеп Таип Ердоган, обвинувајќи ја Европската Унија за неискреност во процесот на интегрирање на Турција со ЕУ.
– Ние, всушност, одамна го заслуживме Шенгенскиот договор. Официјално го поднесовме барањето за членство во 1963 година и во текот на тој процес, тие постојано нè мамат. Никогаш не беа искрени и сè уште не се – изјави Ердоган за државната телевизија ТРТ.
Турција и ЕУ во петокот постигнаа договор за запирање на приливот на мигранти во Европа, според кој Анкара бара визна либерализација за своите граѓани до крајот на јуни, забрзување на пристапните преговори, како и финансиска помош.
За возврат, Анкара ќе ги прими назад сите мигранти што илегално преминале во Грција.