На прашање на „Мета“ до Европската комисија дали има реакција за оставките на Јанкулоска, Јанакиески и на Мијалков, портпаролката на ЕК, Маја Коцијанчич, одговори дека „е констатирана важната најава за оставки во Владата, што е конкретен чекор кон политичка одговорност во овој контекст“.
– Се надеваме дека овој развој, исто така, ќе придонесе за враќање на довербата во државните институции – додаде Коцијанчич.
ЕК ги повика сите страни конструктивно и без одложување да се ангажираат во политички дијалог за да се стави крај на долгата политичка криза.