На последниот ден од тридневната жалост во Франција, попладнево со една минута молчење ќе им биде оддадена почит на жртвите на терористичките напади во Париз.
Претседателот на Франција, Франсоа Оланд, по нападите во кои загинаа околу 130 луѓе, а повеќе од 350 беа ранети, прогласи вонредна состојба во земјата со зголемени безбедносни мерки, како и контрола на границите, а распоредени се илјадници дополнителни војници и полицајци.