Основниот суд Скопје 1 денеска донел правосилна пресуда против З.К., еден од обвинетите во случајот „Пуч“, по поднесена предлог-спогодба од Основното јавно обвинителство за гонење организиран криминал.
„По поднесување предлог-спогодба од страна на Основното јавно обвинителство за гонење организиран криминал и корупција до Кривичниот суд, судија на претходна постапка со пресуда ја верификува спогодбата со која на лицето З.К., вработено во МВР, за кривичните дела шпионажа од член 316, став 4 в.в со член 24 и неовластено прислушување од член 151, став 4, в.в со став 1, а во врска со член 45 од Кривичниот закон му се одмерува единствена казна затвор во траење од три години“, стои во соопштението на судот.
