Студентите при Државниот универзитет во Тетово (ДУТ) кои постигнале висок просек во студирањето, денеска добија стипендии. Преку нив ослободени од плаќање партиципација за школување во оваа образовна институција се 75 студенти.
Стипендиите ги додели ректорот на Државниот универзитет во Тетово, Вулнет Амети.
– Денеска сме овде со елитните студенти, кои со нивната работа и посветеност кон образованието и знаењето го одбележуваат еден од најубавите моменти од историјата на високото образование на албанскиот и на другите јазици. Една голема заслуга за ова им припаѓа на вашите професори, кои со нивното залагање, искуство и посветеност, станале дел од вашиот успех и кариера – изјави ректорот на ДУТ, Вулнет Амети.
Денеска беа доделени стипендии за студентите од првиот циклус, кои имаат постигнато успех со просек од 9,5 и студентите кои ги имаат завршено додипломските студии со просек од 9,8, на кои универзитетот им овозможува бесплатно студирање во вториот циклус.
З.Д.
