На Платформата за одржлив развој „Лице в лице“ и Борче Стаменов од иницијативата „Донирај компјутер“ денеска им беше доделена годинашната државна награда „Мето Јовановски“.
На церемонијата во Собранието, Александра Цветановска, претседателот на Одборот за доделување на државната награда „Мето Јовановски”, порача дкеа на одборот не му било тешко да ја додели наградата едногласно.
„Платформата „Лице в лице“ постои од 2012 година и е еден од пионерите како социјално претпријатие, со вклучени над 150 продавачи на списанието, на коишто тоа им помогна да излезат од сиромаштијата и социјалната исклученост. Списанието има многу акции со конкретни резултати, од кои мора да се спомене влијанието годинава за промените на Законот за матична евиденција, со кои се реши повеќедеценискиот проблем на лицата коишто немаат извод од матичната книга на родените и државјанство“, напомена Цветановска.
Во поглед на Борче Стаменов, основоположникот на иницијативата „Донирај компјутер“, Цветановска напомена дека со собирање расипани компјутер и нивна поправка или составување функционални компјутери од донираните компјутри, тој овозможува социјално загрозени семејства да дојдат до алатката што овоможува и пристап до основното право на образование.
Досега благодарение на Стаменов, неговите помошници и на хуманите граѓани, над 2.650 компјутери стигнале во рацете на лица во социјален ризик и во 40 училишта во земјава.
„Знаејќи дека пристапот до образование е човеково право, улогата на Борче особено беше видлива во времето на пандемијата, при што со негова помош многу деца ја следеа наставата и им се овозможи пристап до ова право“, напомена Цветановска.
Наградите ги примија Маја Раванска од „Лице в лице“ и Стаменов.
Целта на хуманитарната мисија на Борче Стаменов е секој човек во земјава да добие компјутер
