fbpx

До крајот на неделава ќе преовладува многу топло време, апел за рационално користење на водата

-

Од денеска до крајот на оваа седмица, под влијание на топла воздушна маса од југ, времето во земјава ќе биде многу топло, со натпросечни температури за овој период од годината, информираат од Управата за хидрометеоролошки работи (УХМР). Во следните денови на повеќе места температурите ќе бидат над 35 степени.

„Најтопло ќе биде од среда до недела, кога ќе биде активирано портокалово ниво на опасност од високи температури, а вредноста на УВ индексот ќе изнесува 9. Наместа долж Повардарието температурата ќе го надмине и 40-тиот степен“, информираат од УХМР.

Покрај опасноста за граѓаните од топлото време, надлежните институции апелираат за внимателно однесување во шумите, каде што опасноста од пожари поради топлото време е голема.

И од јавното претпријатие „Водовод и канализација“-Скопје денеска упатија апел до граѓаните рационално и внимателно да ја користат водата во деновите со екстремно високи температури. Особено да се избегнува непотребно трошење на водата за полевање бавчи и ниви.

„Врз основа на податоците на Управата за хидрометеоролошки работи, од каде се најавуваат високи температури кои деновиве ќе достигнат и над 40 °C, како и податоците на ЈП Водовод и канализација – Скопје за зголемена потрошувачка на водата, апелираме до граѓаните на градот Скопје за рационално користење и употреба на водата, односно да се избегнува полевање поголеми површини и непотребно трошење на водата за време на топлите денови“, напоменуваат од ЈП „Водовод и канализација“.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Иран со дронови го нападна Израел

Портпаролот на израелските одбранбени сили Даниел Хагари потврди дека Иранците испратиле беспилотни летала кон Израел и дека израелската држава е подготвена на сè. Во меѓувреме, американскиот претседател Џо Бајден...