Денеска џихадисти од групата Исламска држава (ИД) киднапираа околу 120 ученици од различни училишта во Мосул. Тие се однесени во непознат правец и нивната судбина засега е неизвесна.
Освен тоа, ИД денеска јавно застрела повеќе од 20 свои борци во Мосул, кои беа повредени во судири со ирачките вооружени сили, соопшти Демократската партија на Курдистан.
Во западната провинција Анбар вчера исламистите убија 30 Ирачани, меѓу кои жени и деца, обвинети за соработка со властите и со армијата.
