Денеска во Собранието треба да се одржи прва седница на Анкетната комисија за скандалот со прислушувањето, на која треба да биде усвоен комисискиот деловник.
Најавени се и седници на комисиите за европски прашања и за финансирање и буџет, кои треба да расправаат за извештајот на Европската комисија за Република Македонија за 2015 година.
На дневен ред на Комисијата за финансирање и буџет е и предлог-законот за изменување и за дополнување на Законот за финансиска дисциплина, во второ читање.