Уметницата Мариана Везарова од Бугарија, утре, во 19 часот, ќе ја отвори својата прва самостојна изложбата „Едно лето“, во галеријата на Центарот за култура „Марко Цепенков“ во Прилеп.
– Убавината на природата, на мистичното кај морето, тревите, дрвјата, цветовите, тоа е она што ме инспирираше за овие дела. Тука е и божјото присуство, силата на љубовта. Ги пренесувам и впечатоците од сенките на дрвјата, нежноста на цветовите. Делата, акрил на платно, ги создавав на убави места низ Македонија, како Михајлово, Валандово, Кавадарци, со многу емоции – вели таа.
Мариана Везарова завршила Уметничка академија во Софија во класата на професорот Васил Овчаров. Завршила и арт-менаџмент во Бостон, САД.
