Британскиот премиер, Дејвид Камерон, се очекува денеска да ги објави плановите на неговата влада за зголемување на на бројот на бегалци на кои ќе им биде дозволен влез и ќе бидат прифатени во Обединетото Кралство, јавува „Би-Би-Си“.
Како што пренесува британскиот национален сервис, допoлнителниот број бегалци ќе бидат прифатени од камповите на Обединетите нации (ОН) на сириската граница, а не од луѓето кои веќе се наоѓаат во Европа.
Засега не е познато за колкава бројка се работи, но како што најавил Камерон, станува збор за „илјадници“.
Инаку, „Даунинг стрит“ се соочува со остри критики по реакциите на јавноста и на медиумите во врска со хуманитарната криза.
Како што пренесува „Би-Би-Си“, повиците до Велика Британија да прими повеќе бегалци, се интензивираа откако беше објавена фотографијата на тригодишниот Ајлан Курди, кој се удави додека со своето семејство бегал од Сирија, а чие безживотно тело беше пронајдено на турскиот брег.
Камерон вчера изјавил дека како татко бил „длабоко трогнат“ од фотографијата, но додал дека прифаќањето на повеќе луѓе едноставно не е решение за проблемот.
Се очекува Камерон да го објави планот на британската влада денеска во Мадрид, каде е на средба со лидерите на Шпанија и на Протугалија.
