Во издание на Здружението на писатели на Србија, деновиве од печат излезе книгата „Блиска врска“ (Блиска веза) од македонскиот поет Славе Ѓорѓо Димоски.
Препевот е на Душко Новаковиќ, познат српски поет, кој се смета за најдобриот преведувач на македонската поезија на српски јазик.
Во ова издание се содржани книгите „Форми на страста“ (1988) и „Темно место“ (1999 г., награда „Браќа Миладиновци“, 2000 г.), две книги кои прават една целина, во која еросот и танатосот доаѓаат до полн израз, односно го проблематизираат принципот на љубовта и смртта во една класична комбинација.