fbpx

Бејли: Договор нема, продолжуваме утре

-

По два часа преговори во Клубот на пратеници, без решение заврши и денешната рунда преговори на политичките партии потписнички на Договорот од Пржино.

– Договор нема, преговорите ќе продолжат утре – изјави по средбата амбасадорот на САД во земјава, Џес Бејли.

Пред почетокот на денешната средба, преговарачот од ДУИ, Артан Груби, изјави дека разговорите се одвиваат во конструктивна атмосфера.

– Разликите се многу минимални и сме блиску до договор. Се надевам дека договор ќе постигнеме денеска или најдоцна утре, а единствената можна дата за избори оваа година е 11 декември – рече Груби пред почетокот на средбата.

Никола Тодоров од ВМРО-ДПМНЕ, пред почетоккот на денешната рунда преговори, изјави дека СДСМ постојано одбива предлози, а дека неговата партија е конструктивна и постојано дава нови предлози за да се постигне конечно решение.

Според Радмила Шекеринска од СДСМ, пак, ВМРО-ДПМНЕ бега од регуларни избори и од Договорот од Пржино.

– Сметаме дека на Македонија час поскоро ѝ требаат демократски и фер избори и затоа предлагаме решенија, а не отвораме нови прашања – рече Шекеринска пред почетокот на денешната средба на преговарачите во Клубот на пратеници.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Грчкиот дипломат Рокас доаѓа на местото на Дејвид Гир како амбасадор на ЕУ за С. Македонија

Жосеп Борел, високиот претставник на Европската Унија, номинираше 44 нови шефови на делегации на ЕУ, вклучително и нови амбасадори на ЕУ во Босна и Херцеговина, Црна Гора и Северна...