fbpx

АНАЛИЗА Нова должничка листа: Тетово со 14,3 милиони евра, а Гостивар со скоро 8 милиони евра долг!

-

Само за три месеца, внатрешниот државен долг се зголеми за скоро 6,5 милиони евра. На крајот од третиот квартал од годинава, доспеаните, а неплатени обврски на јавните претпријатија, министерства, здравство, образование, култура, општините, достигнаа 405,7 милиони евра. Во првиот дел од анализата Порталб нуди преглед на должничката состојба во која се наоѓаат општините и јавните претпријатија под капа на локалните власти.

 

Дел од општините за три месеци го зголемија долгот

Општина Тетово, заклучно со септември, пријавила доспеани, а неплатени, обврски во износ од 14.340.000 евра. За три месеца, долгот е зголемен за околу 240.000 евра. Оваа општина, според висината на долгот, котира на високото 4. место на новата должничка листа на Министерството за финансии. ЈКП Тетово пријавило доспеани, а неплатени. сметки во износ од 5,4 милиони евра. Долг од 378.000 евра пријавил и Државиот универзитет Тетово, но долгови имаат и основни и средни училишта кои се во рамките на оваа општина.

Општина Гостивар крајот од третиот квартал го завршува со долг од 7.812.000 евра. И оваа општина го зголемила долгот само за три месеца, и тоа за повеќе од 300.000 евра. Гостивар е рaнгирана на 9. место според износот на обврските. Долгот на ЈК Комуналец – Гостивар изнесува 3,3 милиона евра, ЈП за јавни паркиралишта има долг од 65.500 евра, а Општа болница Тетово има неплатени обврски во износ од 282.200 евра. На должничката листа се наоѓаат и средни и основни училишта во оваа општина.

Доспеаните а неплатени долгови на Општина Кичево изнесуваат 1,5 милиона евра. На територијата на оваа општина се наоѓа една од најзадолежните здравствени установи – Општа болница Кичево е на 6. место на должничката листа, со неплатени обврски во износ од 11.343.000 евра. ЈП Комуналец – Гостивар има неплатени сметки во износ од 1,2 милиона евра, а долгови имаат и Здравствен дом Кичево, основни, средни училишта, како и Правниот факултет во Кичево.

Општина Струга на крајот од септември имала долг во износ од 3.041.000 евра. а со долг од 3.038.000 евра е и ЈП Водовод и канализација Струга. Општа болница Струга пријавила доспеани, а неплатени, обврски во износ од 2,45 милиона евра, а струшкиот Завод за нефрологија должнички износ од 1.344.000 евра. Уште едно јавно претпријатие од оваа општина има голем долг, ЈП Комунално – Струга има неплатени сметки во износ од 731.000 евра. На територијата на оваа општина освен основни и средни училишта, долгови имаат и затворот Струга, Манифестацијата „Струшки вечери на поезијата – Струга“, Основен суд – Струга, Јавно обвинителство – Струга.

Општина Чаир на крајот од третиот квартал има долг од 1.064.000 евра. На територијата на оваа општина од здравствените установи највисок износ на долг – од 511.000 евра – има Болницата за гинекологија и акушерство – Чаир, а долгови имаат десетина основни и средни училишта што се на територија на оваа скопска општина.

И Општина Сарај со доспеани, а неплатени, обврски во износ од 1,7 милиона евра е рангирана на новата должничка листа. На локално ниво долгови пријавиле и пет основни училишта, како и средното училиште на Град Скопје – Сарај.

На должничката листа се наоѓаат и Општина Арачиново, со доспеани, а неплатени, обврски во износ од 835.000 евра, Општина Дебар со долг од 1,1 милиона евра, Општина Боговиње со 416.000 евра, а доспеани, а неплатени, сметки во износ од  1.030.000 евра има и Општина Липково.

Високо на новата листа должници се наоѓаат и други општини, па така во првите педесет најзадолжени се наоѓаат и Општина Охрид, со неплатени сметки во износ од 6,3 милиона евра, Општина Делчево со износ од 3,1 милиона евра, Општина Прилеп има долг од 2 милиона евра, а Општина Врапчиште е со должнички износ од 1,7 милиона евра.

Во вториот дел од анализата Порталб ќе објави податоци за долговите на централно ниво на здравството, на јавните претпријатија и на министерствата.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

АНАЛИЗА: Ако не се вложуваат во стратешки проекти, новите заеми само ќе го „билдаат“ долгот

Јавниот долг се „спушти“ под 60 отсто - во првиот изборен квартал од годинава, јавниот долг изнесувал 58,6 проценти од БДП. Идната Влада планира нов заем од 1 милијарда...