Македонскиот амбасадор во Грција, Дарко Ангелов, денеска се сретна со грчкиот заменик-министер за европски прашања, Никос Ксидакис.
На средбата во грчкото министерство за надворешни работи, Ксидакис и Ангелов разговарале за голем број прашања од билатерален интерес и за можноста за зајакнување на билатералната соработка. Се разговарало за актуелната бегалска криза, особено за ситуацијата на грчко-македонската граница кај преминот Идомени, по кревањето ограда од македонска страна.
Од агендата не изостанале ниту мерките за градење доверба. Како што информираат од грчкото министерство, во дискусијата станало збор и за можностите што се отвораат за двете држави преку спроведувањето на мерките за градење доверба.