Али Ахмети, лидерот на ДУИ, денеска во Скопје се сретна со специјалниот претставник на ОБСЕ за Западен Балкан, амбасадорот Герард Стоудман, како и со високиот комесар за правата на заедниците, Астрид Tорс.
Ахмети изразил благодарност за конструктивниот придонес на ОБСЕ и на меѓународната заедница за надминување на тензичната ситуација во Куманово.
Тој побарал поголема соработка и регионална комуникација за сите прашања бидејќи насилството и нестабилноста не се во интерес на никого.
Како што соопштуваат од ДУИ, претставниците на ОБСЕ изразиле загриженост во врска со политичката криза и со безбедносната ситуација во земјата и ја истакнале подготвеноста да помогнат во надминување на состојбата.