Пунктовите за издавање лични документи утре и задутре (29 и 30 ноември 2023 година) ќе работат со полно работно време, така што граѓаните кои имаат закажано термини ќе треба да ги искористат истите, информира Министерството за внатрешни работи. Закажаните термини за граѓаните ќе бидат реализирани.
Владината одлука за неработните денови за државната и јавната администрација нема да важи за службите за граѓански работи на МВР. И двата дена тие ќе работат редовно, со полно работно време.
„Со цел непречено функционирање на процесот на замена и издавање на личните документи, МВР апелира до граѓаните да ги почитуваат закажаните термини“, стои во соопштението од МВР.
