Индустриското производство минатиот месец бележи пад од 5,9 отсто во споредба со декември минатата година, а во перидот јануари-декември лани има раст од 3,7 отсто во однос на 2018 година, објави Државниот завод за статистика.
Индустриското производство во секторот Рударство и вадење камен во декември 2019 година, во однос на декември 2018 година, бележи опаѓање од 24,2 отсто, во секторот Преработувачка индустрија има опаѓање од 3,1, а во секторот Снабдување со електрична енергија, гас, пареа и климатизација за 12,1 отсто.
Според главните индустриски групи, пак, индустриското производство бележи пораст кај капитални производи за два отсто, додека опаѓање има кај енергија за 17,3, интермедијарни производи, освен енергија за 7,1, трајни производи за широка потрошувачка за 16,3 и нетрајни производи за широка потрошувачка за 4,8 отсто.
