Министерството за земјоделство, шумарство и водостопанство (МЗШВ) апелираше компаниите што доцнат со откупот на тутунот, да организираат дополнителни термини за преземање на договорените количества доколку тутунот го враќаат од пунктот поради влажност или од други причини, да го известат производителот за терминот на следното преземање. При откупот да го евидентираат и вишокот тутун на производителите, а во поканите за преземање на тутунот да ги наведат целокупното договорено количество и терминот на предавање (доколку се спроведува повеќекратно).
Како што информира МЗШВ, осум компании, заклучно со денеска, откупиле вкупно 4.900.000 килограми тутун од годинашната реколта, по просечна цена од 119 денари за еден килограм.