Времето денеска ќе биде сончево со умерена облачност, попладне со зголемена облачност и на повеќе места со краткотраен пороен дожд и услови за појава на ретки грмежи.
Температурата ќе се движи од 16 до 26 Целзиусови степени.
Во Скопје ќе биде сончево со умерена облачност. Температура ќе достигне до 24 Целзиусови степени.
Позначителна промена на времето ќе настапи од недела попладне и во вечерните часови, кога преку нашата земја ќе помине влажен бран од север кој ќе биде проследен со поројни врнежи од дожд и грмежи. На места се очекува да наврнат и над 25 л/м2 дожд. Од недела вечер ќе почне да дува засилен северен ветер, кој ќе предизвика значително опаѓање на температурата. Во понеделник попладне ќе настапи разведрување, но ќе се задржи ветровито и посвежо.
