Шефовите на дипломатија на земјите членки на Арапската лига синоќа усвои резолуција против преместување на американската амбасада од Тел Авив во Ерусалим.
Како што се наведува во резолуцијата усвоена во Каиро, „Арапската лига оценува дека секое преместување на амбасади или дипломатски мисии во Ерусалим претставува флагрантно кршење на правата на палестинскиот народ, како и на сите муслимани и христијани“.
Арапската лига има 22 членки, меѓу кои и Палестина, а резолуцијата е усвоена едногласно.
Американскиот претседател Доналд Трамп, кој вети преместување на амбасадата, не се споменува директно во документот.
Израел веќе долго време повикува на преселување на амбасадите, но не врши притисок поради противењето на меѓународната заедница.
