Обидите за провокации не можат да ги спречат демократските промени што носат живот за сите во Македонија, се вели во соопштението на СДСМ, по повод кршењето прозорци на неколку штабови на партијата низ градовите.
Оттаму велат дека „демократските процеси се почнати, а тие подразбираат праведно и правично општество за сите, во кое што секој што го нарушува мирот на граѓаните ќе мора да понесе одговорност.“
– Пријавени се на надлежните органи инцидентите изминатото деноноќие, во кои на сличен начин, со фрлање камења се искршени надворешни прозорци на неколку штабови на СДСМ во Кланица – Битола, во Ново Лисиче – Скопје, во Сопиште, во Охрид и во Прилеп. Очекуваме надлежните органи да ги расветлат случаите – велат од СДСМ.
Тие додаваат дека „какви било провокации за тесно-патриски цели можат само да стават во неволја недолжни граѓани, а не можат да ја спречат демократската обнова на Македонија“.
