Добредојдени се сите прашања од Конгресот, се вели во одговорот на амбасадата на САД во Македонија на писмото на американскиот сенатор Мајк Ли упатено до американскиот амбасадор во Скопје, Џес Бејли.
„Добредојдени се прашањата од Конгресот и можноста да обезбедиме информации за нашите активности и контекстот во кој работиме за да ги постигнеме целите на надворешната политика на САД“, се вели во одговорот од амбасадата.
In response to press inquiries… pic.twitter.com/J7fKl9smja
— U.S. Embassy North Macedonia (@USEmbassySkopje) February 14, 2017
Американскиот сенатор Мајк Ли се обрати со писмо до американскиот амбасадор во Македонија да појасни која била улогата на амбасадата во формирањето на новата Влада, како и вмешаноста на Фондацијата Институт за отворено општество и имплементациите на УСАИД програмите.
„Ова е критично време за Македонија, додека избраните функционери преговараат за нова Влада по парламентарните избори кои се одвиваа изминатиот декември. За жал, добив кредибилни извештаи дека мисијата на САД во Македонија активно се мешала во политиката на Македонија како и во формирање на медиумската средина и граѓанско општество, често фаворизирајќи групи од едно политичко убедување пред други. Овие извештаи се обесхрабрувачки и доколку се точни, тогаш се навистина проблематични“, се вели во писмото.
