Сообраќајот на сите државни патишта се одвива по влажни коловози. Магла со видливост од 50 до 100 метри има во Делчево, соопшти Автомото-сојузот на Македонија.
Во клисурите и во засеците можна е појава на помали одрони, особено на патните правци: Кочани – Македонски Каменица – Делчево, Виница – Берово, Гостивар – Стража, Маврово – Дебар – Струга, Д.Капија – Удово, Катланово – Велес, Крушево – Демир Хисар и Ресен-Буково.
АМСМ препорачува внимателно возење, прилагодена брзина на движење и почитување на поставената сообраќајна сигнализација.
Интензитетот на сообраќај на патните правци надвор од градските средини е умерен.
На граничните премини нема подолги задржувања за влез и за излез од земјава.
