Одборот за доделување на државната награда „Св. Климент Охридски“, утре, во 12 часот, ќе го додели признанието за 2016 година, во свечената сала на Собранието.
Наградата e највисоко признание за долгогодишни остварувања во областа на воспитанието, образованието, културата, уметноста, здравството, заштитата и унапредувањето на човековата околина и во социјалната дејност од јавен интерес на Македонија.
Државната награда „Св. Климент Охридски“ за остварување во областа на воспитанието и на образованието се доделува на фолклористот Марко Китевски, наградата за остварување во областа на културата и уметноста им се доделува на музичкиот уметник Гордана Јосифова-Неделковска, скулпторот Жарко Башески, поетесата Весна Ацевска-Стојчевска и на театарска критичарка и публицистка Лилјана Мазова.