Груевски на народниот собир 112 пати кажа „ќе“, 49 пати „Македонија“, а 39 пати „народ“

Лидерот на ВМРО-ДПМНЕ, Никола Груевски, во своето обраќање на народниот собир на владејачката партија во неделата, најчесто го употребуваше зборот „Македонија“ во говорот долг 15 страници.

Груевски кажа „Македонија“ 49 пати, „народ“, односно „народот“ – 39 пати, „проекти“ – 35 пати, опозициската партија СДСМ ја спомна 25 пати, „инвестиции“, односно „инвестиција“ изговорил 53 пати, а најупотребувана е честичката „ќе“ за формирање идно време, која Груевски ја употреби дури 112 пати.

Терминот „одговорност“ во говорот од 15 страници на поранешниот премиер се најде само еднаш, а „отчет“ ниту еднаш.