„Во првите четири месеци од оваа година, капиталните инвестиции имаат катастрофална реализација од само 68 милиони евра. За да го прикрие колабираниот буџет, министерот за финансии Зоран Ставрески повторно ќе крати кај развојната компонента на буџетот, капиталните инвестиции“, се вели во соопштението на СДСМ.
Според опозициската партија, секоја година жртва на погрешно проектираните буџети се токму капиталните инвестиции.
– Никола Груевски со своите промашени политики свесно ја бутна Македонија во групата земји како Ангола, Руанда, Зимбабве и Нигерија, со недоволна транспарентност на државниот буџет (Open Budget index), за да може криминалната власт да ги троши нетранспарентно и криминално парите на граѓаните. Оттаму е и молкот во Министерството за финансии околу новиот ребаланс на буџетот – се вели во соопштението на СДСМ.
