Пробиена е повеќе од 80 проценти трасата на автопатот Кичево – Охрид, а до крајот на годината се очекува дека ќе се заврши 50 проценти од оваа делница, информираше министерот за транспорт и врски, Владо Мисајловски, кој денеска изврши увид во градежните активности.
Станува збор за една од најголемите капитални инвестиции, која чини 374 милиони евра.
– Во моментов се работи на пробивање на тунелот кај Пресека, кој е најголем во државата и е во должина од околу два километри. Интензивно се работи на неколку локации истовремено, за да се испочитува договорот за изградба кој е до 2018 година – истакна Мисајловски.