Активистите на „Шарената револуција“ денеска направија герила-акција за европратеничката Маријана Петир која беше на ручек во ресторанот „Пелистер“ со пратеничката и претседателка на Унијата на жени на ВМРО-ДПМНЕ, Даниела Рангелова.
Поддржувачите на „Шарената револуција“ се појавија со транспарент на кој пишуваше „Дали во ЕУ аболирате криминалци?“.
„Денеска го засоливме ручекот на европратеничката Маријана Петир, која околу пладне во ресторанот „Пелистер“ во Скопје дискутираше со жени од политичкиот живот во Македонија. Ја прашавме „Дали во ЕУ аболирате криминалци?“ Инаку, госпоѓа Петир пред неколку дена изјави дека излезот од кризата во Македонија се избори на 5 јуни, а ние не се согласуваме со тоа“, велат од „Шарената револуција“.
