fbpx

САД и ЕУ го осудија нападот во Пакистан

-

Високата претставничка на ЕУ за надворешна политика и безбедност, Федерика Могерини изрази сочувство на пакистанскиот народ и влада по терористичкиот напад во кој животот го загубија 72 лица, потврдувајќи ја истовреме и поддршката на ЕУ во борбата против тероризмот.

– Во нападот во центарот на пакистанскиот град Лахоре, настрадаа голем број на семејства, многу од нив христијански, земајќи данок меѓу жените и децата. Изразувам сочувство до народот и владата на Пакистан и ја потврдувам поддршката на Европската унија во борбата против тероризмот и промовирање на заеднички вредности, слобода, мир и различност – порача Могерини.

И генералниот секретар на Обединетите нации, Бан Ки-мун ги осуди нападите нарекувајќи ги „застрашувачки“ акт на тероризмот.

Соединетите американски држави исто така го осудија нападот во Лахоре, нарекувајќи го кукавички и порачаа дека ќе соработуваат со Пакистан за да се поразат тие кои сеат терор во земјата.

– Ќе продолжиме да работиме со нашите партнери во Пакистан и ширум регионот, заедно ќе бидеме истрајни во напорите да се искорени тероризмот – изјави портпаролот на американскиот Национален совет за безбедност, соопшти Белата куќа.

 

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Путин го посети Си во Пекинг, повика на посилна економска соработка меѓу Русија и Кина

Рускиот претседател Владимир Путин ја истакна важноста на економската соработка меѓу Русија и Кина во посета на кинескиот претседател Си Џинпинг во Пекинг, пренесува „Њујорк тајмс“. Додека неговата армија напредува...