Опозицискиот СДСМ реагира дека пробиена е границата од повеќе од 4 милијарди евра јавен долг и сега тој изнесува 4,224 милијарди евра, а за тоа, како што велат од партијата, „виновни се расипничките политики на Никола Груевски и на „фамилијата“ во изминатите години“.
– Во последните 90 дена од 2015 година, владата на ВМРО-ДПМНЕ ги задолжуваше граѓаните на Македонија со повеќе од 3 милиони евра секој ден. Доколку СДСМ, преку дополнителниот заменик-министер за финансии, Кире Наумов, не го преполовеше износот на еврообврзницата, задолжувањето ќе беше повеќе од 6 милиони евра дневно. Ова е потврда дека поранешниот премиер Никола Груевски, обидувајќи се да ја спаси својата кожа, ги носи државата, граѓаните и идните генерации во должничко ропство – велат од СДСМ.
