Почна лидерската средба во Клубот на пратеници, на која лидерите на четирите политички партии, потписници на Договорот од Пржино, треба да разговараат за изборот на експерти во Државната изборна комисија и за медиумските реформи.
На лидерската средба, заедно со лидерите на СДСМ, Зоран Заев, на ВМРО-ДПМНЕ, Никола Груевски, на ДУИ, Али Ахмети, и на ДПА, Мендух Тачи, се и американскиот амбасадор Џес Бејли, евроамбасадорот Аиво Орав и белгискиот олеснувач Питер Ванхауте.
Лидерите на партиите беа придружувани од членови на нивните партии. Заев дојде заедно со Радмила Шекеринска, а Груевски со Никола Тодоров.
