Ирачката војска ги принудила џихадистите на Исламска држава да се повлечат од центарот на градот Беиџи, во кој се наоѓа најголемата ирачка рафинерија за нафта.
Командантот на воените сили во Беиџи, генерал Абдул Вајаб ал-Сади, изјави дека воените единици ги зазеле зградите на локалната влада и седиштето на полицијата, соопшти државната ирачка телевизија.
Градот Беиџи, кој е на 250 километри од Багдад, летово падна под контрола на припадниците на ИСИС, во рамки на инвазијата на северниот дел на Ирак, подрачје западно од главниот град на провинцијата Анбар.
Владата во Багдад засега не ги потврдила наводите на државната телевизија, но генералот Ал-Сади во саботата соопшти дека неговите сили презеле контрола над поголем дел од Беиџи.
https://www.youtube.com/watch?v=CEqu9LZp0vM
