Кинескиот систем за меѓународни плаќања ЦИПС (The China International Payments System, CIPS), денеска официјално беше пуштен во употреба на церемонија во Шангај, објави Државниот совет на Кина.
Првата трансакција извршена во новиот систем е пренос на пари од Кина во Луксембург, пренесува „Ер-Би-Си“.
Почетокот на работата на системот ЦИПС ќе овозможи да се зголеми ефикасноста на прекуграничното плаќање во јуани и ќе го поттикне користењето на јуанот во меѓународни размени. Тоа ќе има големо влијание врз зголемување на поддршката на реалната економија и стратегијата за излез на кинеските компании на светскиот пазар.
Системот ЦИПС ќе им овозможи на странските партнери да извршуваат плаќање во јуани директно со кинеските партнери.
Кинеската влада се надева дека со помош на овој систем, ќе се зголеми нивото на меѓународно признание на нејзината валута.
