fbpx

ЗНМ ги осуди заканите на Есад Рахиќ кон новинарите

-

Здружението на новинарите на Македонија ги осуди заканите на поранешниот пратеник Есад Рахиќ, кој во неделата во интервју за „Телевизија 24“ ги предупреди новинарите да внимаваат што пишуваат за приведувањето на неговиот брат затоа што семејството Рахиќ има многу пријатели и не може да гарантира како ќе реагираат кога ќе ги сретнат новинарите на улица.

„Ваквите непримерни изјави преставуваат директен напад врз слободата на медиумите и имаат цел да ги замолчуваат новинарите. Ги повикуваме новинарите да ги почитуваат професионалните стандарди и да ги проверуваат фактите пред да ги објават информациите. Тоа особено се однесува кога известуваат за сензитивни теми поврзани со човековите права“, се вели во соопштението од ЗНМ.

Од Здружението потсетуваат дека во случај на непрофесионално известување на медиумите, граѓаните можат да поднесат претставка во Советот на честа на ЗНМ и до Советот за етика во медиумите.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Пратеници, градоначалници, фирми, граѓани – Кој колку пари донирал за кампањата на претседателските кандидати?

Некој по 500 денари, некој по 100.000 денари, а некој по 300.000 денари. Донации за кампањите за претседателските избори пристигнувале од пратеници, градоначалници, членови на партии или пак преку...