!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Возач удрил пешак и избегал со автомобилот


       
Струмица, 5 ноември, 2017 - 15:49 (META) 

Засега непознат возач со автомобил вчера удрил во пешак во Струмичко и го усмртил, по што избегал, соопшти полицијата.

Според билтенот, сообраќајката се случила вчера, околу 4.30 часот, на регионалниот пат Струмица – село Банско, на излезот од селото Куклиш.

Возилото удрило во А.А. (72) од Куклиш, кој од добиените повреди починал.

Увид извршила екипа од Секторот за внатрешни работи (СВР) – Струмица, а по наредба на јавен обвинител, телото на починатиот е предадено за обдукција. По сторителот се трага.