Времето денеска ќе биде променливо облачно со повремени локални врнежи од дожд, особено попладне, кога локално ќе има и појава на нестабилна облачност со краткотраен пороен дожд и со ретки грмежи. Врнежите ќе бидат со слаб и со умерен интензитет, а ќе преовладуваат во западниот дел од земјава. Ќе дува слаб до умерен јужен ветер.
Утринската температура се движи од 1 до 7 Целзиусови степени, а дневната ќе се движи од 14 до 20 степени.
За утрешниот ден прогнозата е слична, со тоа што во текот на ноќта кон петок поради спуштање на постуден воздух од север на планините и на некои повисоки места, во западните делови од земјава, врнежите ќе бидат од снег.