Синоќа, во голема полициска акција на секторот за организиран криминал во Гостивар, биле уапсени повеќе лица, а меѓу нив и поранешниот командир на гостиварската полициска станица, пренесуваат медиумите.
Од МВР ја потврдиле информацијата дека била спроведена акција, но не откриваат за што точно станува збор и повеќе детали најавуваат во текот на денешниот ден.
Според првичните неофицијални информации, станувало збор за продолжение на акцијата „Чекан“, во која кон крајот на минатата година беа уапсени повеќе лица осомничени за злосторничко здружување, лихварство, изнуда и за перење на пари.
Неколку дена по акцијата „Чекан“, од МВР најавија дека ќе се проверува дали полицајци соработувале и им помагале на членовите на криминалната група.
