Облачно време со слаб локален дожд и снег на планините


       
Скопје, 12 јануари, 2018 - 9:23 (META) 

Времето денеска ќе биде претежно облачно, со слаб локален дожд во западните и јужните делови, а на планините ќе има слаб снег. Ќе дува слаб, а во западните делови умерен ветер од источен правец. Температурата ќе се движи од три до 10 Целзиусови степени.

Во Скопје слично време со температура до седум Целзиусови степени.

Од сабота кон крајот на денот ќе има спуштање на постудена воздушна маса, што во следните два дена ќе услови врнежи од снег и во некои котлини, особено во северните делови. Врнежите ќе бидат со слаб, а повремено на места со умерен интензитет.