!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Десетто продолжение на седницата за разрешување на Зврлевски


       
Скопје, 14 август, 2017 - 10:06 (META) 

Во Собранието на Република Македонија денеска напладне треба да ја продолжи шестата седница, на која се расправа за разрешувањето на државниот јавен обвинител, Марко Зврлевски.

Во саботата, на деветтото продолжение од собраниската расправа во најголем дел помина во реплики и контрареплики помеѓу пратениците на ВМРО-ДПМНЕ и во процедурални забелешки.

Иако првично се очекуваше продолжението да се одржи вчера, претседателот на Собранието, Талат Џафери сепак вчера се премисли и расправата за разрешувањето на државниот јавен обвинител ја презакажа за денеска. Во саботата Илија Димовски, координатор на една од десетте пратенички групи побара да не се работи во неделата, но Џафери тоа го одби, а потоа се предомисли.