Белата куќа забрани новинарите од неколку медиуми да присуствуваат на неформални средби со претседателот Доналд Трамп, јавуваат светските медиуми.
Администрацијата на американскиот претседател ги забранила брифинзите со новинарите на „Си-ен-ен“, „Би-би-си“,„Њујорк тајмс“, „ЛА тајмс“, „Њујорк дејли њуз“, „Дејли мејл“.
Пристапот е дозволен на медиумите кои застапуваат десничарски ставови, како „Вашингтон тајмс“, „Уан америка њуз нетворк“, „Брајтбарт њуз“ и други.
Главниот уредник на „Њујорк тајмс“, Дин Баки, изјави дека ова никогаш не се случило во Белата куќа.
– Транспарентна влада и слобода на медиумите се од витално значење за националните интереси – изјави Баки.
Здружението на дописници од Белата куќа реагираше на ваквата одлука на администрацијата на американскиот претседател.
