Безживотно женско тело вчераутро било пронајдено во водите на реката Вардар, информираат од полицијата.
Случајот го пријавил граѓанин, кој го забележал телото во близина на брегот на реката.
Екипа на СВР Скопје извршила увид на местото, но засега од полицијата нема информации за идентитетот на жената.
По наредба на јавен обвинител, телото е предадено на судските вештаци за обдукција, која треба да ги утврди причините за смртта.
